ນະໂຍບາຍຄວາມເປັນສ່ວນຕົວ

1. ພວກເຮົາແມ່ນໃຜ

SavanHR ດຳເນີນການໂດຍ Savan Soft Co., Ltd, Xangkhoo Village, Xaithany District, Vientiane Capital, Laos PDR

ບໍລິສັດທີ່ທ່ານເຮັດວຽກນຳ (ນາຍຈ້າງ) ເປັນຜູ້ລົງທະບຽນທ່ານເຂົ້າລະບົບ ແລະ ເປັນຜູ້ກຳນົດວ່າຈະບັນທຶກຂໍ້ມູນຫຍັງ ພວກເຮົາປະມວນຜົນຂໍ້ມູນແທນນາຍຈ້າງຂອງທ່ານ ຕາມການຕັ້ງຄ່າຂອງເຂົາເຈົ້າ

2. ຂໍ້ມູນທີ່ພວກເຮົາເກັບ

• ບັນຊີຜູ້ໃຊ້: ຊື່, ຊື່ຜູ້ໃຊ້ ຫຼື ອີເມວ, ເບີໂທ ແລະ ລະຫັດຜ່ານ (ເກັບແບບເຂົ້າລະຫັດທາງດຽວ)
• ຂໍ້ມູນການຈ້າງງານທີ່ນາຍຈ້າງບັນທຶກ: ຕຳແໜ່ງ, ພະແນກ, ສາຂາ, ເງິນເດືອນ, ບັນຊີທະນາຄານ, ເລກພາສີ ແລະ ປະກັນສັງຄົມ, ວັນລາ, ສະລິບເງິນເດືອນ
• ການລົງເວລາ: ເວລາເຂົ້າ-ອອກວຽກ, ຈຸດທີ່ຕັ້ງ GPS ໃນຕອນກົດລົງເວລາ, ຮູບຖ່າຍຕົນເອງ (ຖ້າບໍລິສັດກຳນົດ), ຈຸດ QR ທີ່ສະແກນ ແລະ ລະຫັດອຸປະກອນທີ່ໃຊ້ຜູກບັນຊີກັບມືຖື
• ໄຟລ໌ທີ່ທ່ານອັບໂຫຼດ: ຮູບໂປຣໄຟລ໌, ໃບບິນເບີກຄ່າໃຊ້ຈ່າຍ, ເອກະສານປະກອບການລາ
• ຂໍ້ມູນການແຈ້ງເຕືອນ: ລະຫັດຮັບການແຈ້ງເຕືອນ (push) ຂອງອຸປະກອນ
• ຂໍ້ມູນທາງເທັກນິກ: ທີ່ຢູ່ IP, ປະເພດບຣາວເຊີ, ເວລາເຂົ້າໃຊ້ ແລະ ບັນທຶກການປ່ຽນແປງຂໍ້ມູນ ເພື່ອຄວາມປອດໄພ
• ສະຖິຕິການເປີດໜ້າເວັບແບບບໍ່ລະບຸຕົວຕົນ (Vercel Analytics) ບໍ່ໃຊ້ cookie ແລະ ບໍ່ໃຊ້ເພື່ອການໂຄສະນາ

3. ຈຸດທີ່ຕັ້ງ ແລະ ກ້ອງຖ່າຍຮູບ

• ແອັບຂໍຈຸດທີ່ຕັ້ງສະເພາະຕອນທ່ານເປີດໜ້າລົງເວລາ ຫຼື ກົດເຂົ້າ-ອອກວຽກ ເພື່ອກວດວ່າທ່ານຢູ່ໃນເຂດຂອງສາຂາ ບໍ່ມີການຕິດຕາມຈຸດທີ່ຕັ້ງໃນເບື້ອງຫຼັງ
• ກ້ອງຖ່າຍຮູບໃຊ້ສະເພາະຕອນທ່ານຖ່າຍຮູບລົງເວລາ, ສະແກນ QR ຫຼື ຖ່າຍໃບບິນ
• ທ່ານປະຕິເສດສິດເຫຼົ່ານີ້ໄດ້ທຸກເມື່ອໃນການຕັ້ງຄ່າມືຖື ແຕ່ການລົງເວລາອາດໃຊ້ບໍ່ໄດ້ ຕາມນະໂຍບາຍຂອງບໍລິສັດທ່ານ

4. ພວກເຮົານຳໃຊ້ຂໍ້ມູນເພື່ອຫຍັງ

• ໃຫ້ບໍລິການວຽກ HR ແກ່ນາຍຈ້າງຂອງທ່ານ: ລົງເວລາ, ລາງານ, ຄິດໄລ່ເງິນເດືອນ, ເບີກຄ່າໃຊ້ຈ່າຍ ແລະ ລາຍງານ
• ສົ່ງການແຈ້ງເຕືອນກ່ຽວກັບວຽກຂອງທ່ານ ເຊັ່ນ ຜົນການອະນຸມັດລາ
• ຮັກສາຄວາມປອດໄພຂອງບັນຊີ, ປ້ອງກັນການລົງເວລາແທນກັນ ແລະ ແກ້ໄຂບັນຫາເມື່ອທ່ານຂໍຄວາມຊ່ວຍເຫຼືອ
• ປະຕິບັດຕາມກົດໝາຍ

ພວກເຮົາບໍ່ຂາຍຂໍ້ມູນຂອງທ່ານ ບໍ່ສະແດງໂຄສະນາ ແລະ ບໍ່ນຳຂໍ້ມູນໄປໃຊ້ເພື່ອການໂຄສະນາ

5. ການແບ່ງປັນຂໍ້ມູນ

• ພະນັກງານຂອງນາຍຈ້າງທ່ານ ທີ່ມີສິດຕາມບົດບາດ (ເຊັ່ນ HR, ຫົວໜ້າງານ)
• ຜູ້ໃຫ້ບໍລິການທີ່ຈຳເປັນຕໍ່ການເຮັດວຽກຂອງລະບົບ: ເຊີບເວີຄລາວ ແລະ ຖານຂໍ້ມູນ, ການສົ່ງອີເມວ ແລະ ການແຈ້ງເຕືອນ push (ເຊັ່ນ Google) — ສະເພາະເພື່ອໃຫ້ບໍລິການເທົ່ານັ້ນ
• ໜ່ວຍງານລັດ ເມື່ອກົດໝາຍກຳນົດ

6. ການເກັບຮັກສາ ແລະ ຄວາມປອດໄພ

ຂໍ້ມູນຖືກເຂົ້າລະຫັດລະຫວ່າງການສົ່ງ (HTTPS), ຈຳກັດການເຂົ້າເຖິງຕາມບົດບາດ ແລະ ມີບັນທຶກການປ່ຽນແປງ ເຊີບເວີອາດຕັ້ງຢູ່ນອກປະເທດຂອງທ່ານ

ພວກເຮົາເກັບຂໍ້ມູນຕະຫຼອດໄລຍະທີ່ນາຍຈ້າງຂອງທ່ານໃຊ້ SavanHR ເມື່ອປິດບັນຊີແລ້ວ ຂໍ້ມູນຈະຖືກລຶບພາຍໃນ 90 ວັນ ຍົກເວັ້ນເອກະສານທີ່ນາຍຈ້າງຕ້ອງເກັບໄວ້ຕາມກົດໝາຍແຮງງານ ພາສີ ແລະ ປະກັນສັງຄົມ (ເຊັ່ນ ປະຫວັດເງິນເດືອນ) ຊຶ່ງຈະເກັບຕາມໄລຍະທີ່ກົດໝາຍກຳນົດ

7. ສິດຂອງທ່ານ

ທ່ານມີສິດຂໍເບິ່ງ, ແກ້ໄຂ ຫຼື ຂໍລຶບຂໍ້ມູນຂອງທ່ານ ກະລຸນາຕິດຕໍ່ຝ່າຍ HR ຂອງບໍລິສັດທ່ານກ່ອນ ຫຼື ສົ່ງອີເມວຫາພວກເຮົາທີ່ info@savansoft.com ວິທີຂໍລຶບບັນຊີເບິ່ງໄດ້ທີ່ໜ້າ “ຂໍລຶບບັນຊີ ແລະ ຂໍ້ມູນ”

8. ເດັກນ້ອຍ

SavanHR ເປັນລະບົບສຳລັບພະນັກງານຂອງອົງກອນ ບໍ່ໄດ້ອອກແບບມາສຳລັບເດັກນ້ອຍ

9. ການປ່ຽນແປງນະໂຍບາຍ

ຖ້າມີການປ່ຽນແປງ ພວກເຮົາຈະປັບວັນທີຢູ່ເທິງສຸດຂອງໜ້ານີ້ ແລະ ແຈ້ງໃນລະບົບຖ້າເປັນການປ່ຽນແປງທີ່ສຳຄັນ